CATA A ARTE 2019

A sexta edición do ciclo Cata a Arte terá lugar un ano máis no Centro Cultural Marcos Valcárcel de Ourense. Cata a Arte inclúe presentacións e degustacións de catro das súas adegas acompañadas de accións culturais paralelas como poesía, monólogos, country e jazz.


Novamente, as catas terán un carácter solidario. O C.R.D.O. Ribeiro colabora coa organización Cáritas Diocesana de Ourense, polo que nesta sexta edición, solicitarase aos asistentes un donativo a favor desta entidade que abarca diferentes ámbitos de actuación, dende programas de acollida, vivenda, infancia, etc. ata múltiples proxectos de voluntariado ou acción e dinamización social.

7/11/19

ARCO DA VELLA. A ADEGA DE ELADIO

Arco da Vella a Adega de Eladio é unha pequena adega familiar que vén dunha saga de antigos viticultores-adegueiros asentados no concello de Beade. Co gallo de seguir a tradición herdada, Benito Eladio Rodríguez Fernández remodela a nova adega dotándoa de maquinaria e elementos de elaboración actuais e cultivando as viñas herdadas inicia, no 2004, nova andaina no seo da D.O. Ribeiro.O camiño a seguir basease nos seguintes propósitos: viticultura: tradicional cuasi ecolóxica en viñas propias e cepa vella, castes autóctonas, sen herbicidas, insecticidas, nin antibotríticos velenosos. Elaboración tradicional con lévedos das propias uvas e temperatura de fervura controlada mediante equipo de frío.

RECITADO DE POEMAS Á VIÑA E AO VIÑO

Recitado de poemas á viña e ao viño por parte de Armando González López (poeta médico e letrista de María do Ceo), Pepa Álvarez Gómez (poeta e declamadora de Verín) e Benito Eladio Rodríguez Fernández (fundador da adega Arco da Vella a Adega de Eladio, poeta de Beade e membro do grupo “Por un Ribeiro poético”).

14/11/2019

CATRO PARROQUIAS

Catro Parroquias é un viño branco elaborado con Treixadura, a variedade raíña da D.O. Ribeiro da man de Bodegas Loeda. É unha adega familiar, situada en Sampaio – Ribadavia, que comezou alá polos anos 20 ata día de hoxe, pasando sempre por diversos cambios. Actualmente o propietario é Alfredo Domínguez Rodríguez.

MONÓLOGO DE ALBERTE MONTES

Alberte Montes é actor, guionista, director, locutor... Na súa faceta de actor ten participado en varias ficcións, a máis coñecida foi Fariña, emitida en Antena 3, e actualmente está a traballar nun proxecto televisivo para a TVG. Como humorista formou parte do elenco de Comedy Central e xira por toda España cos seus espectáculos de monólogos. No apartado televisivo destaca tamén como colaborador na canle GOL participando en dous dos seus programas, "Los lunes al Gol" e "Los Infiltrados". O seu espectáculo: Galego pode selo calquera... (monólogo): Ser galego é doado? Depende. Os galegos temos un xeito de ser característico e diferenciado doutros pobos e culturas que nos rodean. Historicamente teñen empregado os tópicos para ridiculizarnos e mofarse de nós, feito que explicaría en parte que arrastremos algo de autoxenreira. Eses tempos foron pasando e agora xa somos quen de defendernos con orgullo dese estigma combatendo aos ignorantes, ríndonos dos propios defectos e chufando das nosas diferenzas.

21/11/19

ALBERTE

Nas soleadas ladeiras de Arnoia medran as súas cepas ancestrais, a unha altitude media de 300 metros, onde os solos graníticos e un clima atlántico marcan a calidade das uvas. Unha viticultura tradicional e de baixos rendementos, garante a obtención dunhas uvas nas que se reflicte o carácter varietal e do “terroir”. Así chegan á adega, onde son elaboradas con respecto. A orelas do río Arnoia nun edificio de arquitectura tradicional sitúanse as modernas instalacións de Bodegas Nairoa. Coas mellores materias primas, unha vinificación tradicional e a aplicación dos últimos avances tecnolóxicos están elaborando os seus viños de alta expresión, personais, complexos e harmónicos.

MÚSICA COA BANDA OS FORTASTEIROS

Os Forasteiros ollan ao country, ao folk, ao bluegrass e ao cajún. Cruzan esas fronteiras musicais e propoñen unha alegre e orixinal proposta grelo-western con temas propios en galego e versións do repertorio country e bluegrass clásico. A banda estrenou o ano pasado o seu primeiro EP orixinal titulado ‘Grelos Western’. Os Forasteiros, liderados polo cineasta italo-galego Simone Saibene, toman vida na Garizona ourensana no 2013. Simone Saibene (voz e guitarra) é o compositor dos temas e o único elemento fixo do grupo. Moitos músicos acompañaron, acompañan e acompañarán Os Forasteiros durante concertos e gravacións. No concerto en acústico do 21 de novembro no Centro Cultural Marcos Valcárcel de Ourense, Simone Saibene (voz, guitarra e armónica) será acompañado por Kakus Campos Seijo (violín), Alfonso Aydillo (steel guitar e mandolina) e David Outumuro (percusións).

28/11/2019

BODEGA ALANÍS

Bodega Alanís leva dende 1910 elaborando magníficos e singulares viños na D.O. Ribeiro potenciando o uso das castes, como Treixadura ou Torrontés. Caracterízase por conciliar de xeito natural a creación de viños modernos co respecto a unha tradición vitivinícola largamente arraigada na zona. A adega goza dunhas modernas instalacións con capacidade para dous millóns de litros, que a consagran como unha das máis grandes da rexión.

MÚSICA CON 4MAL QUARTET JAZZ

4Mal Quartet Jazz é un grupo de O Carballiño, nado en 2015 e formado por Alexandre Cabanelas (saxos), Ángel Alfonso Gulías López (piano), Alberto "Roni" (contrabaixo, baixo eléctrico) e Alex González (batería). O seu repertorio é un conxunto de temas orixinais, standards de jazz e versións de outros temas. En 2017 lanzan un crowdfunding para poder gravar o seu primeiro disco de estudio e publican “Perspectivas”, composto por 10 temas de composición propia, menos a pista 8. Despois do lanzamento, o cuarteto sae de xira-presentación por todo Galicia. En febreiro de 2019 lanzan un single titulado “Pick Up Your Name”, que nos transporta a novos horizontes do jazz.


15 Novembro, 2019

Alberte Montes arrinca sorrisos en Ourense co viño Catro Parroquias

Bodegas Loeda, situada en Sampaio, Ribadavia, presentou onte os seus viños, Catro Parroquias Treixadura e Viña Leda, na segunda das xornadas do ciclo “Cata a Arte” […]
9 Novembro, 2019

Arco da Vella a Adega de Eladio inaugura o ciclo “Cata a Arte” en Ourense

Arco da Vella a Adega de Eladio deu onte o pistoletazo de saída á sexta edición do ciclo “Cata a Arte” coa presentación e degustación do […]
31 Outubro, 2019

O C.R.D.O. Ribeiro e o Centro Cultural Marcos Valcárcel presentan a sexta edición do ciclo “Cata a Arte”

Celebraranse presentacións e degustacións de viños de catro adegas con accións culturais Ourense, 31 de outubro de 2019. O C.R.D.O. Ribeiro vén de presentar esta mañá […]