O Parque Náutico de Castrelo de Miño foi o escenario para a cata previa das Distincións así como para a Guía Luis Paadín de Vinos y Bodegas de Galicia.
Ribadavia, 21 de xullo de 2020
O espazo Turcastrelo, ubicado no Parque Náutico de Castrelo de Miño, foi o escenario dunha cata previa á concesión dos galardóns “Distincións Gallaecia 2020” aos mellores viños e para a elaboración da edición 2021 da Guía Luis Paadín de Vinos, Destilados y Bodegas de Galicia. Nela participaron 126 viños da Denominación de Orixe Ribeiro, entre brancos, tintos e tostados que foron catados por membros da Asociación de Sumilleres Gallaecia e catadores invitados. Desta cata sairán seleccionados os mellores viños da D.O. Ribeiro segundo o criterio dos expertos, que pasarán a á cata final que se celebrará a principios de setembro en Fisterra.
Aurelio Vázquez, presidente da Asociación de Sumilleres Gallaecia, define a cata realizada en Ribadavia como unha das máis interesantes. “Os viños brancos desta colleita no Ribeiro son de altísima calidade, destacando a súa finura, elegancia e tipicidade. É de sinalar tamén que contan cun gran potencial de garda. Os tintos son moi equilibrados e de moita calidade, e neles percíbese a fenomenal evolución de anadas anteriores.”
Os profesionais que formaron o panel de cata foron:
Aurelio Vázquez Presidente Asociación de Sumilleres de Galicia Gallaecia
Iván Vázquez Enólogo
Javier Facal Sumiller restaurante O´Sampaio
José Luis Fernández Comité de Calificación D.O. Ribeiro
Juan Gómez Asociación de Sumilleres de Zamora
Luis Paadín Director daa Guía de Vinos de Galicia
Alejandro Paadín Vicepresidente Asociación de Sumilleres de Galicia Gallaecia
Pablo Vidal Comité de Calificación D.O. Valdeorras
Pedro Sestayo Profesor Consellería de Educación
David Ballesteros Comité de calificación D.O. Rías Baixas
Santiago Castro Director Técnico C.R.D.O. Toro
Xabier Barcala Sumiller viñoteca Comoviño
Xose Carballido Enxeñeiro Agrónomo