Cumprindo a orde do 14 de novembro de 2023 pola que se establece a normativa para a verificación da aptitude dos viños das denominacións de orixe protexidas de ámbito galego polos seus Consellos Reguladores, ábrese un prazo de convocatoria para os interesados en formar parte do panel de cata para a cualificación dos viños mediante exame organoléptico no C.R.D.O. Ribeiro.

10 de marzo de 2025

Requisitos de obrigado cumprimento para todos:

• Estudos mínimos:  básicos (EXB ou ESO).
• Curso/s ou formación demostrable en cata de viños ou experiencia demostrable de dous anos na participación en catas de viños.

Condicións complementarias que se terán en conta e que se valorarán para a puntuación global dos candidatos a razón dos seguintes parámetros:

• Ser adegueiro, enólogo ou hostaleiro en calquera dos 14 concellos pertencentes á D.O. Ribeiro – 2 puntos.
• Estudos medios ou superiores relacionados co mundo vitivinícola – 2 puntos.
• Ter traballado para o C.R.D.O. Ribeiro – 2 puntos.
• Residir nalgún Concello pertencente á D.O. Ribeiro –  1 punto.
• Estar formado polo C.R.D.O. Ribeiro en materia de cata de viños – 1 punto.
• Ser adegueiro, enólogo ou hostaleiro  – 0,5 puntos.
• Ter traballado nalgún outro Consello Regulador vitivinícola – 0,5 puntos.

Se están interesados en formar parte do panel de cata do C.R.D.O. Ribeiro, terán que enviar o seu Currículo Vitae actualizado, así como sinalar as condicións complementarias ás que estaría suxeito, ao correo controldecalidade@ribeiro.wine antes do 10 de abril de 2025.

Calquera dúbida ou cuestión poden chamar ao 988477200 e contactar co Órgano de Control.