ALBILLA

Variedade amplamente repartida pola península con diferentes sinonimias sendo máis coñecida como Albillo; non é autóctona do Ribeiro e é moi pouco representativa na denominación, a súa utilización sempre é como complementaria. Variedade de porte erguido, fertilidade e vigor medio, a súa brotación temperá faina sensible ás xeadas tardías. O seu ciclo de maduración é curto e obtéñense boas maduracións. É pouco sensible ás enfermidades criptogámicas.

Máis información

Os viños que produce alcanzan altas gradacións alcohólicas que chegan aos 13 ou 14 º alcohólicos, pero non manteñen ben a acidez resultando un pouco escasa. Teñen un importante achegue glicérico e aromáticamente non é intensa destacando as notas ameladas e froitos de óso. Na D.O. Ribeiro é moi pouco representativa e utilízase como complementaria mesturándose con outras variedades máis frescas, achegando sedosidade e volume ao conxunto.