LADO

É a sexta variedade branca autóctona de maior representación na zona, actualmente en proceso de experimentación; a súa vocación enolóxica é complementaria. A súa brotación é media – tardía e a época de maduración é media, presenta forte vigor e fertilidade media obteñendo rendementos de 12 - 13 Tn/Ha. Ten sensibilidade alta á botritis, ao oidio e media ao mildiu.

Máis información

Alcanza con facilidade altas gradacións que roldan os 13 % vol. cunha excelente conservación da acidez ao redor dos 7 gramos por litro de acidez total expresada en ácido tartárico. Proporciona viños de peculiares aromas afrutados e especiados cunha boca fresca pero curta en extracto. Na D.O. Ribeiro utilízase como complementaria mesturándose con outras variedades autóctonas de maior estrutura e volume, achegando complexidade e frescor ao conxunto.