A Feira do Viño do Ribeiro, que este ano alcanza a súa 53ª edición, terá lugar os vindeiros días 29 e 30 de abril e 1 de maio de 2016, no recinto da Alameda, en Ribadavia (Ourense), ven de presentar publicamente o seu cartel e algunhas das principais actividades.

No acto, que contou coa presenza de:
José Ignacio Gómez Pérez – Alcalde do Concello de Ribadavia
Felicísimo Pereira Freijido – Presidente do CRDO Ribeiro
María López Touza – Concelleira de Cultura e Turismo do Concello de Ribadavia
Douse a coñecer o cartel gañador do concurso da presente edición da Feira do Viño do Ribeiro, que foi realizado por Alfredo León, de Navarra.

Tamén se presentaron algunhas das actividades centrais do evento, como son as Actividades Enogastronómicas ou Showcookings, que se levan a cabo dende a edición do 2012, e como novidade, RibeiroRisas, unha gala de humor e viño, na que se contará con tres monologuistas e unha presentadora. O público interesado en asistir a este evento poderá obter a súa entrada, a un prezo especial de 5€, presentando a copa ou o ticket de puntos (consumido ou sen consumir) que previamente poderá conseguir no recinto feiral.

RibeiroRisas

Espectáculo de monólogos a cargo de:
Tonhito de Poi
Isabel Risco
Fede Pérez
Presentado por Iria Sobrado
Lugar: Auditorio do Castelo, en Ribadavia.
Horario: 23:30 h
Venta de Entradas:
Días previos: Oficina de Turismo de Ribadavia (988471275) turismo@ribadavia.es
Días do evento: Na taquilla, na porta do Auditorio do Castelo, dende unha hora antes do inicio.
Prezo entradas:
Bonus FVR: 5€ (haberá que presentar a copa ou ticket de puntos da FVR, consumido ou non consumido)
Normal: 10€

Cata Popular da Feira do Viño do Ribeiro

Lugar: Local Social da Madalena (Barrio Xudeu – Ribadavia)
Horario: venres de 18.00 a 22.00 horas e sábado de 12.00 a 14.00 e de 16.00 a 21.00 horas.

A Cata Popular da Feira do Viño está organizada polo C.R.D.O. Ribeiro e está dirixida ao público en xeral. A súa orixinalidade radica en que o público é o que cata e premia os mellores viños segundo o seu criterio. As marcas participantes son as presentadas polas adegas presentes na Feira do Viño do Ribeiro e serán catadas a cegas, é dicir, sen coñecer o nome do viño. Dela saen galardoados os mellores viños, así como os mellores catadores. Entrega de premios: domingo ás 19.30 horas no recinto feiral da Alameda.

Sábado 30 de abril

Acitividades Enogastronómicas – Showcooking

(Para participar nas actividades de pago é imprescindible mercar as entradas na Oficina de Turismo (988471275 ou turismo@ribadavia.es) ou no stand de venta de tickets)
* Obradoiro con entrada.
Lugar: Aula Actividades – Showcooking no recinto da feira.

Sábado, día 30 de abril

13.00 h
Obradoiro de cociña *.
Imparte: Carlos Maldonado, cociñeiro gañador da 3ª edición do programa de TVE “MasterChef”.
Contarase coa presenza do sumiller Nacho Costoya, que maridará os pratos elaborados cos viños do Ribeiro.

17.30 h
Entrega de vídeos de adegas da D.O. Ribeiro
Recollerán as adegas e haberá un visionado do vídeo.
Os vídeos serán emitidos no programa Cousas de Comer de Telemiño

19.30 h
Obradoiro de cociña *.
Imparte: Héctor López, cociñeiro do Restaurante España, de Lugo, Grupo Nove, e xurado do programa da TVG “Desafío nos fogóns”.
Contarase coa presenza do sumiller Nacho Costoya, que maridará os pratos elaborados cos viños do Ribeiro.

Domingo 1 de maio:

Actividades enogastronómicas – Showcooking

Lugar: Aula Actividades – Showcooking no recinto da feira.

Domingo, día 1 de maio
13.00 h
Obradoiro de Cociña *.
Imparte: Alberto Lareo, cociñeiro do Restaurante Manso, de Santiago de Compostela (A Coruña).
Contarase coa presenza do sumiller Nacho Costoya, que maridará os pratos elaborados cos viños do Ribeiro.

17.30 h
Obradoiro de cociña infantil.
Imparte: Covadonga García, cociñeira finalista da 3ª edición do programa de TVE “MasterChef Junior”.

18.45 h

Presentación do Ciclo de F.P. “Aceites de Oliva e Viño”

Imparte: Persoal docente do I.E.S. Ribeiro
19.30 h

Entrega dos premios da Cata Popular da Feira do Viño do Ribeiro

Presentación do resultado do concurso da Cata Popular da Feira do Viño do Ribeiro.