CATA A ARTE 2021
A sétima edición do ciclo Cata a Arte, terá lugar novamente no Centro Cultural Marcos Valcárcel de Ourense, inclúe presentacións e degustacións de catro adegas da Denominación de Orixe máis antiga de Galicia acompañadas de accións culturais paralelas como música, poesía ou literatura.
Xoves, 4 de novembro
ARCO DA VELLA. A ADEGA DE ELADIO
Arco da Vella a Adega de Eladio é unha pequena adega familiar que vén dunha saga de antigos viticultores-adegueiros asentados no concello de Beade. Co gallo de seguir a tradición herdada, Benito Eladio Rodríguez Fernández remodela a nova adega dotándoa de maquinaria e elementos de elaboración actuais e cultivando as viñas herdadas inicia, no 2004, nova andaina no seo da D.O. Ribeiro. O camiño a seguir basease nos seguintes propósitos: viticultura: tradicional cuasi ecolóxica en viñas propias e cepa vella, castes autóctonas, sen herbicidas, insecticidas, nin antibotríticos velenosos. Elaboración tradicional con lévedos das propias uvas e temperatura de fervura controlada mediante equipo de frío.
Os Tarabelos
O pistoletazo de saída poñerao Arco da Vella a Adega de Eladio, que realizará unha degustación do seu viño branco Torques do Castro e do tinto Tarabelo, acompañada dun recital poético e de cancións da man do grupo Os Tarabelos, conformado polos artistas Armando González, Andrés Rodríguez, Pepa Álvarez, Curra Figueroa, Antón Alonso e Eladio Rodríguez.
Mércores, 10 de novembro
NAIROA
Nas soleadas ladeiras de Arnoia medran as súas cepas ancestrais, a unha altitude media de 300 metros, onde os solos graníticos e un clima atlántico marcan a calidade das uvas. Unha viticultura tradicional e de baixos rendementos, garante a obtención dunhas uvas nas que se reflicte o carácter varietal e do “terroir”. Así chegan á adega, onde son elaboradas con respecto. A orelas do río Arnoia nun edificio de arquitectura tradicional sitúanse as modernas instalacións de Bodegas Nairoa. Coas mellores materias primas, unha vinificación tradicional e a aplicación dos últimos avances tecnolóxicos están elaborando os seus viños de alta expresión, personais, complexos e harmónicos.
Os Forasteiros
O mércores 10 de novembro será o momento da cata de Nairoa que presentará os viños brancos Alberte, Val de Nairoa, Alberte doble lías e o tinto Alberte ao son country e folk do grupo Os Forasteiros, encabezado por Simone Saibene e en perfecta harmonía con deliciosas propostas gastronómicas.
14/11/2019
Xoves, 18 de novembro
VINOS CON PERSONALIDAD
El proyecto, liderado por Pablo Vidal, se basa en desarrollar vinos de alta calidad en las distintas zonas tradicionales de producción vitícola de Galicia. Recuperan las antiguas elaboraciones con el objeto de recuperar el verdadero carácter de los vinos de esta tierra, mediante ancestrales y naturales procesos de elaboraciones olvidados, pero aplicando viticultura y enología modernas, y respetuosas con el entorno y la viña.
Dúo Slastic
O xoves 18 de novembro continuaremos coa cata de Vinos con Personalidad que presentará o seu viño branco Renacido en cata vertical, das colleitas 2015, 2016, 2017 e 2018 e o seu viño tinto Big Bang harmonizados de bocados gastronómicos ao son da guitarra e o baixo do Dúo Slastic.
Xoves, 2 de decembro
BODEGA ALANÍS
Bodega Alanís leva dende 1910 elaborando magníficos e singulares viños na D.O. Ribeiro potenciando o uso das castes, como Treixadura ou Torrontés. Caracterízase por conciliar de xeito natural a creación de viños modernos co respecto a unha tradición vitivinícola largamente arraigada na zona. A adega goza dunhas modernas instalacións con capacidade para dous millóns de litros, que a consagran como unha das máis grandes da rexión.
Queiman e Pousa
Para rematar esta sétima edición, Bodega Alanís poñerá o broche final o xoves 2 de decembro, onde fará unha degustación do seu viño Gran Alanís 2020 en harmonía con saborosos petiscos e o espectáculo musical de Queiman e Pousa.
